პროლაქტინი

საკვლევი მასალა- ვენური სისხლი

როგორ მოვემზადოთ ანალიზისთვის?

რეკომენდებულია ტესტის ჩატარება დილით გაღვიძებიდან 2 საათის განმავლობაში.

კლინიკური მნიშვნელობა:

პროლაქტინის სამიზნე ორგანო არის სარძევე ჯირკვალი, სადაც იგი ავლენს ლაქტოგენურ და გალაქტოპოეზურ ეფექტებს. ორსულობის დროს, პროლაქტინის დონე იზრდება ესტროგენებისა და პროგესტერონის მაღალი დონის ზემოქმედების შედეგად. სარძევე ჯირკვლის მასტიმულირებელი მოქმედება უზრუნველყოფს მშობიარობის შემდგომ ლაქტაციას.

როდის გავიკეთოთ ანალიზი?

ქალებში: აუხსნელი თავის ტკივილი, მხედველობის დარღვევები, ძუძუდან რძის გამოყოფა მშობიარობისა და ძუძუთი კვების პერიოდის გარეშე, ტკივილი ან დისკომფორტი სექსუალური აქტის დროს, თმის ზრდა სხეულის უჩვეულო ადგილებსა და სახეზე, აკნე, უშვილობა, არარეგულარული მენსტრუალური ციკლი.

მამაკაცებში: აუხსნელი თავის ტკივილი, მხედველობის დარღვევები, ლიბიდოს დაქვეითება, უშვილობა, ერექციული დისფუნქცია, სხეულის და სახის თმის არანორმალური ნაკლებობა, ძუძუდან რძის გამოჟონვა.

გოგონებში: მენსტრუალური ციკლის პრობლემები, ძუძუდან რძის დენა.

ვაჟებში: დაგვიანებული სქესობრივი მომწიფება, სასქესო ორგანოების განუვითარებლობა.